PUISI MALAM

MALAM BAE
#Puisi
#SaveTrap2Booi
#Ambon7'02'2015
----------------------
Malam bae,
Par yang pung tampa kaki dari Titanail sampe ka Ur'Puti.
Malam bae,
Par yang pung tatanamang dari Pintu Pos dusung di pante, sampe di gunung Hu'u yang tinggi.
Begitupun par Bobara di lautang biru, sampe deng Gete2 di dalang tihul.
Bagi pombo putih di pulau pombo, dan banting kumang di mange-mange Noesal.
Dan tak lupa satwa darat sampe ka ular mata buta di lubang liang..
Malam Bae,
Par samua di sana, ada gunung deng tana
Par samua di sana, ada tanjong deng lautang
Par samua di sana, ada abu deng udara
Par samua di sana, ada orang tatua deng basudara..